رومنسي الحب نسر مشارك
عدد الرسائل : 100 العمر : 29 العمل/الترفيه : طالب المزاج : رومنسي تاريخ التسجيل : 07/01/2010
| موضوع: خواطر الجعصة الخامسة الخميس يناير 07, 2010 8:32 am | |
| السلام عليكم ورحمة الله
يمسيتشم بالخير
وفي اقوال اخرى : يسعد هالمسا (".")
كان ياما كان في حديث الزمان ؛ كانت ستي الله يرحمها لما تزهق حالها وتفرفرط روحها تحكي :
وين اروح ووين القّي ؛ ويّات البلاد اللي تسعني
يعني : اين اذهب واين اتجه ؛ وهل من متسع (لاحزاني) في اي بلد ؟
طبعا مش ضروري تكون احزان بالمعنى الحرفي ؛ بس مية بالمية القصة ضروري تكون على خلفية : قلة البخت
امثالنا الفلسطينية عمرانة ماشاء الله بالتقسيمات الاجتماعية
يعني مثلا ؛ لقلة البخت بتلاقي امثال ؛ وللحظ السعيد بتلاقي امثال ؛ للافراح والاتراح بتلاقي ؛ للزواج وللطلاق ؛ للفقر وللغنى ؛ للجوع وللشبع ... لكل شيء بتلاقي الامثال جاهزة للاستخدام
بس المشكلة مرات الواحد بينسى الظرف الفلاني شو بينحكى فيه
منشان هيك خطر في بالي احط بكل جعصة من هسا ورايح 30 مثل لظروفنا الحياتية ؛ طبعا لو نبحبش رح نلاقي اكثر من 30 مثل في بعض الاحيان للظرف الواحد ؛ بس يعني هي محاولة لعمل تقسيمات بروفيشنال لامثالنا الفلسطينية
واليوم اخترت الظروف المتعلقة بقلة البخت ... مش تشاؤم مني بقدر ما حابب اخلص من النكد عالبدري وفي الجعصات الجايات انتعش شوي بظروف احسن
الامثال تقول :
1) عل بخت الحزينة ؛ سكّرت المدينة 2) عملوني مسحّر ؛ خلص رمضان 3) تاجرنا بالاكفان ؛ بطلت الناس تموت 4) خليها بالقلب جرح ؛ ولابين الناس تفضح 5) اجت الحزينة تفرح ؛ مالقيتش مطرح 6) الدنيا مابتخلي الراكب راكب ؛ ولا الماشي ماشي 7) لو اتاجر بالطواقي ؛ ربنا بيخلق الناس بلا روس Cool المنحوس منحوس ؛ ولو علقو على راسه فانوس 9) جاي ياهالناس جاي 10) وين اروح ووين القّي ؛ وايّات البلاد اللي تسعني 11) اللي بدري بدري والي مابدري بيقول كف عدس 12) رضينا بالهم والهم مارضي فينا 13) صبرك على نفسك ولاصبر الناس عليك 14) اللي بيوكل العصي مش مثل الي بيعدها 15) سبع صنايع والبخت ضايع 16) الحيط الواطي كل الناس بتنط عليه 17) الي مالو ظهر بينضرب على بطنه 18) الله يجيبك يا طولة البال 19) ايش صبّرك المر ؛ قال الامر منه 20) منلك هم الله يبعثلك 21) لاتشكيلي لابكيلك 22) اللي مالو حظ لايتعب ولايشقى 23) يا غافل لك الله 24) اكثر من القرد ماسخط الله 25) ترتح بمنحوسك ليجيك الانحس منه 26) العب بالمقصقص تيجيك الطيار 27) التقى المتعوس على خايب الرجا 28) العين بصيرة واليد قصيرة 29) اللي ايدو بالمي مش مثل اللي ايدو بالنار 30) اعطي البصل لصاحب الهموم يقشّره [/b][/b] | |
|
رومنسي الحب نسر مشارك
عدد الرسائل : 100 العمر : 29 العمل/الترفيه : طالب المزاج : رومنسي تاريخ التسجيل : 07/01/2010
| موضوع: رد: خواطر الجعصة الخامسة الخميس يناير 07, 2010 9:16 am | |
| | |
|